Para pak ditësh është publikuar projekti më i ri i këngëtares Dhurata Dora dhe artistit kongolez, Maitre Gims.
“Only You” u prit tejet mirë nga publiku dhe vetëm për pak ditë ka kaluar shifrën e tetë milionë klikimeve në platformën YouTube.
Pak para se të lansohej kënga, ylli kishte folur gjerë e gjatë për albumin e tij të ri për revistën NRJ.FR.
Dhurata Dora dhe Maitre Gims (Foto: YouTube)
Ai thekson se ka një kohë që e njeh Dhuratën dhe e adhuron punën e saj, për këtë e ka ftuar edhe në albumin e tij të ri.
“Jam fans i saj, më pëlqen puna e saj. E njoh që disa kohë. Absolutisht që doja ta ftoja”, shprehet Maitre.
I njëjti më tej shton se dyshja arritën të përfundonin edhe videoklipin e këngës.
“Arritëm ta përfundonim. Ajo është një artiste që dua t’ia prezantoj Francës. Kjo sepse ajo ka talent”, vazhdon mes tjerash Gims.
Ky është bashkëpunimi i dytë i Maitre dhe Dhuratës, pas atij të parit të publikuar në 2019 të quajtur “Te Quiero”.
