Tom Cruise ka befasuar me vendimin e fundit.
Një burim konfirmoi për CNN se Tom Cruise i ka kthyer çmimet që i fitoi në “Golden Globes” në Hollywood Foreign Press Association.
Cruise fitoi “Golden Globe” për aktorin më të mirë për interpretimet e tij në “Jerry Maguire” më 1997 dhe “Born on the fourth of july” më 1990 dhe çmimin e aktorit më të mirë në rol mbështetës për “Magnolia”më 2000.
Masa vjen mes polemikave në rritje rreth HFPA – organizata pas Globes, për mungesën e diversitetit, posaçërisht pa anëtarë me ngjyrë dhe pyetjeve etike në lidhje me përfitimet financiare për disa nga 87 anëtarët e saj të nxjerra në dritë në një hetim tëshkurtit nga Los Angeles Times.
NBC njoftoi të hënën se nuk do të transmetonte shfaqjen më 2022.
“Ne vazhdojmë të besojmë se HFPA është e përkushtuar për një reformë kuptimplotë. Sidoqoftë, ndryshimi i kësaj madhësie kërkon kohë dhe punë dhe ne ndjejmë se HFPA ka nevojë për kohë për ta bërë atë si duhet. Si e tillë, NBC nuk do të transmetojë “Golden Globe” të vitit 2022″, i tha NBC, CNN Business.
HFPA lëshoi një deklaratë në faqen e saj të internetit duke u zotuar të bëjë ndryshime.
“Pavarësisht nga data e ardhshme e transmetimit të Golden Globes, zbatimi i ndryshimeve transformuese sa më shpejt dhe sa më me mend të mbetet përparësia kryesore për organizatën tonë. Ne ftojmë partnerët tanë në industri në tryezë për të punuar me ne në reforma sistematike që është vonuar shumë, si në organizatën tonë ashtu edhe brenda industrisë në përgjithësi”, shtuan ata.
Para njoftimit të NBC, Scarlett Johansson lëshoi një deklaratë duke bërë thirrje që komuniteti i argëtimit të bëjë një hap prapa nga pjesëmarrja në ngjarjet e sponsorizuara nga HFPA.
