Gashi ka treguar vendet ku do të mbajë turne.
Reperi Gashi është ndër emrat më të suksesshëm shqiptar jashtë trojeve shqiptare, i cili çdo ditë shënon suksese të reja.
Sikurse gjithë artistëve tjerë, edhe Gashit pandemia ia prishi planet që kishte për koncerte në vende të ndryshme të botës, kurse tani paralajmëron rikthimin në skenë.
Me anë të një postimi, Gashi bëri të ditur se së shpejti fillon turneun në Nju Jork, Boston, Uashington, Toronto, Detroit, Chicago, Minneapolis, Los Angeles, e të tjera.
Projekti i fundit muzikor nga Gashi është “Amnesia”, për të cilin bashkëpunoi me Loud Luxury dhe Ship Werk.
Kujtojmë se artisti është duke punuar rreth finalizimit të këngëve të albumit të ri, ndërsa pret me padurim që gjithë këto projekte t’i interpretojë para fansave në turne.
