Lidhja Demokratike e Kosovës ka ftuar një mbledhje të kryesisë për të vendosur qëndrimin final për kandidaturën e Vjosa Osmanit për presidente të Kosovës.
Lidhja Demokratike e Kosovës do të zhvillojë sot një mbledhje të kryesisë në të cilën do të diskutohet për çështjen e presidentit dhe qëndrimin final për kandidaturën e Vjosa Osmanit.
Lajmi.net merr vesh se kryesia e LDK-së do të mblidhet sot nga ora 16:30.
Vjosa Osmani e ka ushtruar detyrën e presidentit të Kosovës për disa muaj pas dorëheqjes së Hashim Thaçit.
Në marrëveshjen LVV-Lista “GUXO”, Osmani ishte bërë e ditur se do të marrë pozitën e presidentit të Kosovës.
Osmani, që ka dalë më e votuara nga zgjedhjet e 14 shkurtit, si kundërkandidat për pozitën e presidentit e kishte Ramush Haradinajn. Megjithatë, duket se i njëjti është tërhequr nga kjo garë.
Ajo mund të emërohet presidente vetëm nëse i siguron 2/3 e votave të të gjithë deputetëve.
