Partitë politike në Kuvendin e Kosovës kanë propozuar emrat për nënkryetarët e rinj të Kuvendit të Kosovës.
Nga radhët e Lëvizjes Vetëvendosje është propozuar deputetja Saranda Bogujevci, kurse nga radhët e PDK-së është propozuar Bedri Hamza.
Lidhja Demokratike e Kosovës ka propozuar për nënkryetar të Kuvendit të Kosovës, deputetin Kujtim Shala.
Me shumicë të votave, deputetët e Kuvendit të Kosovës kanë zgjedhur nënkryetarët e rinj të Parlamentit në legjislaturën e tetë me radhë.
“Me 107 vota për me 6 vota kundër dhe pa asnjë abstenim”, u zgjodhën edhe nënkryetarët e tri grupeve më të mëdha parlamentare, tha Avni Dehari.
Ndryshe drejtuesi i seancës konstituive të Kuvendit të Kosovës, Avni Dehari më parë bëri të ditur se në Kuvend të pranishëm janë gjithsej 114 deputetë.
