Çifti Obama kanë marrë vaksinën kundër COVID-19.
Barack dhe Michelle Obama janë çifti i radhës i famshëm që janë vaksinuar kundër COVID-19.
Këtë gjë e konfimoi vet ish-presidenti i SHBA-së, përmes një videoje nga kampanja e re, përmes së cilës synohet sensibilizimi i qytetarëve për t’u vaksinuar.
Obama thotë se kjo është mënyra më e mirë për ta mposhtur pandeminë, mrojtur njëri-tjetrin si dhe për ta kthyer sërish vendin në gjendjen e mëparshme.
“Unë dhe Michelle u vaksinuam kundër COVID-19 sepse e dimë se është mënyra më e mirë për të mposhtur këtë pandemi, për të mbrojtur njëri-tjetrin dhe për ta rikthyer vendin përsëri në gjendjen e mëparshme dhe për të ecur përpara. Kështu që shpresoj se do ta merrni vaksinën sa më shpejt që të jetë e disponueshme për ju. Mund të të shpëtojë jetën”, shkruan Obama.
Pjesë e kampanjës janë edhe ish-presidentët Jimmy Carter, Bill Clinton dhe George W. Bush bashkë me ish-zonjat e para.
