Këngëtarja shqiptare i ka dedikuar një këngë nënës së saj të cilën e ka prezantuar sot me 8 mars në Ditën Ndërkombëtare të Gruas.
Adelina Emini ka lansuar projektin me videoklip teksa shfaqet edhe nëna e saj në disa sekuenca.
“Nanës”, mbanë emrin kënga e re e artistes shqiptare.
Tekstin e ka shkruar këngëtari Lindon Berisha, ndërkohë që për muzikën është përkujdesur kompozitori Florent Boshnjaku.
“Nëna, ka qenë jo vetëm fjala e parë, por edhe melodia e shpirtit im. Nëna, më ka lumturuar jetën me ninulla, e çdo varg i saj ka qenë prehje për zemrën time. Nëna është motivi im për jetë, e vetë jeta përmblidhet me emrin nënë. Por, padyshim kënga ‘Nanës’ është më e veçanta që kam kënduar ndonjëherë dhe dedikimi im për të. Faleminderit nënë”, ishin fjalët e Adelinës pas lansimit.
Projektin e këngëtares mund ta dëgjoni në platformën sociale YouTube.
Ndryshe, kjo është kënga e parë e Adelina Eminit publikuar për vitin 2021.
