Mbi 3 mijë vota nga diaspora janë refuzuar deri tani nga Komisoni Qendror i Zgjedhjeve.
Në raportin të cilin e ka parë lajmi.net, shihet se nga ky numër, janë 998 votues të refuzuar në periudhën e aplikimit.
Tutje, janë 70 votues që kanë dërguar fletëvotime nga dy herë.
Janë gjithësej 421 votues të cilët janë të paidentifikueshëm.
190 është numri i votuesve që kanë dërguar dokumente jo valide.
Ndërkaq 1 mijë e 336 është numri i atyre që nuk kanë aplikuar në periudhën e caktuar.
Në total, janë gjithësej 3 mijë e 15 vota të refuzuara.
Ndërkaq, në total janë 7 mijë e 157 vota që janë aprovuar. 
